Нохчийн Республикин дешаран а, 1илманан а министерствон Нох- чийн меттан институтан Дешаран- хаамийн технологин туьшан белха- хой «desharho.ru» сайт вовшахтухуш бу карарчу хенахь.
Оцу туьшан куьйгалхочо Магом- шарипова Фатимас дийцира шаьш
бечу балхах лаьцна: «2020-чу шарахь ун даьржича, дуьнен чохь массанхьа а санна, вайн республикехь а хьашт хили- ра дешархошна лерина йолу дешаран сайт. Дешархошна «электронни школа» олучу хьесапехь дешарна т1ехь г1о даран майда ю иза. Вайн яра «UROK95» сайт, делахь а, дешархошна дарсаш кхочуш-
дан тоьш бацара цуьнан ницкъ.
Цу хенахь Нохчийн Республикин дешаран а, 1илманан а министр лаьт- тинчу Байсултанов Идрисана хиира дешархошна лерина Россехь оьрсийн меттан а, математикин а, географин а, кхечу муьлххачу предметашкахула ма-хиллара, нохчийн моттий, литера- турий 1аморхьама, дарсаш кхочушдан
керла сайт ца хилча ца йолийла». Иштта, Россехь пайдаоьцуш лелош йолчу сайтийн хьесапца вайн дешар- хошна сайт кечъян буьйлабелира уьш. Россин «Я — школа» сайтах пайда а оьцуш, хьехархо, дешархо, да-нана цхьаьнатухур долу сайт вовшахтухуш тоба билгал а яьккхина, оцу тобанна хьалха 1алашо а х1оттийна д1ахьош бу цара шаьш т1елаьцна жоьпаллин болх.
Нохчийн меттан институтан дирек тора Умхаев Хьамзата лерринчу ти- дамехь латтош бу Дешаран-хаамийн технологин туьшан болх.
Россин дешаран сийлахь белхахой, Нохчийн Республикин школашкара нохчийн меттан а, литературин а тоь- лла хьехархой: Пайтаева Хадижат а, Джамиева Сахьабат а, Ильясова Зина а, Абуева Товман а, Нухаева Зарган а ю дешархойн электронни школин программина оьшуш йолу коьчалш вовшахтухуш.
Иштта, белхан дика накъостий бу Дешаран-хаамийн технологин туьшан белхахо, редактор Мурадов 1ела а, сай- тан администратор Тасуев Тамерлан а, оператор Умхаев Мохьмад а.
Х1инцале 1-5-чуй классийн дарсаш а, т1едахкарш а кечдина цара. Цул сов, берашна дезалур долу «Ловзуш 1ема» приложени а йиц ца йина цара.
Карарчу хенахь кечйина материа- лаш толлуш ю. Цул т1аьхьа «desharho. ru» сайта т1е йохур ю уьш.
З.ЭЛЬДЕРХАНОВА
